| 1. ᠡᠪᠡᠳᠴᠢᠨ ᠡᠭᠦᠰᠬᠦ ᠨᠥᠬᠦᠴᠡᠯ | ᠬᠠᠳᠤᠭᠤᠷ ᠪᠠᠺᠲ᠋ᠧᠷᠢ ᠶᠢᠨ ᠦᠨᠳᠦᠰᠦ ᠶᠢ ᠢᠯᠵᠢᠷᠡᠭᠦᠯᠬᠦ ᠡᠪᠡᠳᠴᠢᠨ ᠤ ᠡᠭᠦᠰᠦᠯ ᠨᠢ ᠭᠤᠸᠠ ᠶᠢᠨ | ᠲᠦᠷᠦᠯ ᠤᠨ ᠢᠯᠵᠢᠮᠡᠭ ᠬᠠᠯᠢᠰᠤᠲᠤ ᠬᠠᠳᠤᠭᠤᠷ ᠰᠫᠣᠷᠲᠦ ᠪᠠᠺᠲ᠋ᠧᠷᠢ ᠪᠣᠯᠣᠨᠠ᠂ ᠬᠥᠷᠥᠰᠥ ᠰᠢᠷᠣᠢ ᠵᠢᠴᠢ | ᠡᠪᠡᠳᠴᠢᠨ ᠲᠠᠢ ᠵᠡᠮᠳᠡᠭ ᠪᠡᠶᠡ ᠳᠡᠭᠡᠷᠡ ᠡᠪᠦᠯᠵᠢᠳᠡᠭ᠂ ᠲᠡᠭᠦᠨ ᠤ ᠵᠤᠵᠠᠭᠠᠨ ᠬᠠᠨᠠᠲᠤ ᠰᠫᠣᠷ ᠨᠢ ᠬᠥᠷᠥᠰᠥᠨ | ᠳᠣᠲᠣᠷᠠ 5 ~ 6 ᠵᠢᠯ ᠠᠮᠢᠳᠤᠷᠠᠵᠤ ᠴᠢᠳᠠᠨᠠ᠃ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠦᠨᠳᠦᠰᠦ ᠶᠢᠨ ᠰᠢᠷᠬᠠ ᠪᠠᠷ | ᠲᠦᠷᠢᠵᠦ ᠣᠷᠣᠳᠠᠭ᠃ ᠥᠨᠳᠥᠷ ᠳᠤᠯᠠᠭᠠᠨ ᠥᠨᠳᠥᠷ ᠨᠦᠢᠲᠠᠨ ᠨᠢ ᠡᠪᠡᠳᠴᠢᠨ ᠡᠭᠦᠰᠬᠦ ᠳᠤ ᠠᠰᠢᠭᠲᠠᠢ᠂ | ᠦᠷᠭᠦᠯᠵᠢᠯᠡᠨ ᠲᠠᠷᠢᠬᠤ᠂ ᠬᠤᠲᠣᠭᠤᠷ ᠭᠠᠵᠠᠷ᠂ ᠨᠢᠯᠴᠠᠭᠠᠶ ᠰᠢᠪᠠᠷᠳᠤ ᠬᠦᠷᠦᠰᠦ ᠨᠢ ᠡᠪᠡᠳᠴᠢᠨ ᠡᠭᠦᠰᠬᠦ ᠳᠤ | ᠠᠰᠢᠭᠲᠠᠢ᠂ ᠡᠪᠡᠳᠴᠢᠨ ᠡᠭᠦᠰᠬᠦ ᠳᠤ ᠲᠣᠬᠢᠷᠠᠮᠵᠢᠲᠠᠢ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠨᠢ 25℃ ᠪᠠᠶᠢᠳᠠᠭ᠃ ᠲᠥᠰᠥᠷᠬᠡᠦ | ᠡᠰᠢ ᠶᠢᠨ ᠲᠣᠯᠪᠣᠲᠤ ᠬᠥᠭᠡᠴᠦ ᠶᠢᠨ ᠦᠨᠳᠦᠰᠦ ᠶᠢ ᠢᠯᠵᠢᠷᠡᠭᠦᠯᠬᠦ ᠡᠪᠡᠳᠴᠢᠨ ᠤ ᠡᠭᠦᠰᠦᠯ ᠨᠢ ᠲᠥᠰᠥᠷᠬᠡᠦ | ᠡᠰᠢ ᠶᠢᠨ ᠲᠣᠯᠪᠣᠲᠤ ᠬᠥᠭᠡᠴᠦ ᠪᠣᠯᠣᠨᠠ᠂ ᠡᠪᠡᠳᠴᠢᠨ ᠲᠠᠢ ᠵᠡᠮᠳᠡᠭ ᠪᠡᠶᠡ ᠳᠤ ᠳᠠᠭᠠᠯᠳᠤᠨ ᠬᠥᠷᠥᠰᠥᠨ ᠳᠤ | ᠡᠪᠦᠯᠵᠢᠳᠡᠭ᠂ 15 ~ 30℃ ᠤᠨ ᠬᠤᠭᠤᠷᠣᠨᠳᠤ ᠪᠦᠷ ᠡᠪᠡᠳᠴᠢᠯᠡᠳᠡᠭ᠂ 20 ~ 25℃ ᠤᠨ ᠬᠤᠭᠤᠷᠣᠨᠳᠤ | ᠬᠦᠨᠳᠦ ᠡᠪᠡᠳᠴᠢᠯᠡᠳᠡᠭ᠃ ᠬᠥᠷᠥᠰᠥ ᠰᠢᠷᠣᠢ ᠨᠢ ᠨᠢᠯᠴᠠᠭᠠᠶ᠂ ᠠᠭᠠᠷ ᠨᠡᠪᠲᠡᠷᠡᠬᠦ ᠴᠢᠨᠠᠷ ᠢᠶᠠᠷ ᠠᠨᠠᠢ ᠦᠶᠡ ᠳᠤ | ᠤᠷᠭᠤᠮᠠᠯ ᠤᠨ ᠥᠰᠦᠯᠲᠡ ᠮᠠᠭᠤᠳᠠᠭᠠᠳ ᠠᠮᠠᠷᠬᠠᠨ ᠡᠪᠡᠳᠴᠢᠯᠡᠳᠡᠭ᠃ | 2. ᠢᠯᠭᠠᠨ ᠲᠠᠨᠢᠬᠤ ᠠᠷᠭᠠ | ᠥᠷᠭᠡᠰᠦᠲᠦ ᠬᠡᠮᠬᠡ ᠶᠢᠨ ᠦᠨᠳᠦᠰᠦ ᠶᠢ ᠢᠯᠵᠢᠷᠡᠭᠦᠯᠬᠦ ᠡᠪᠡᠳᠴᠢᠨ ᠭᠤᠣᠯᠳᠠᠭᠤ ᠦᠨᠳᠦᠰᠦ ᠪᠠ ᠡᠰᠢ ᠶᠢᠨ | ᠬᠡᠰᠡᠭ ᠲᠤ ᠬᠠᠯᠳᠠᠪᠤᠷᠢᠯᠠᠨ᠂ ᠡᠬᠢᠨ ᠳᠡᠭᠡᠨ ᠤᠰᠤᠨ ᠳᠤ ᠳᠡᠪᠲᠦᠭᠰᠡᠨ ᠬᠡᠯᠪᠡᠷᠢ ᠲᠠᠢ᠂ ᠰᠡᠭᠦᠯᠡᠷ ᠨᠢ ᠡᠰᠢᠨ ᠤ ᠤᠭ | ᠪᠤᠶᠤ ᠦᠨᠳᠦᠰᠦ ᠶᠢᠨ ᠬᠡᠰᠡᠭ ᠲᠤ ᠬᠦᠷᠡᠩ ᠲᠣᠯᠪᠤ ᠡᠭᠦᠰᠴᠦ᠂ ᠠᠭᠠᠵᠢᠮ ᠢᠶᠠᠷ ᠲᠣᠮᠣᠷᠠᠨ ᠬᠤᠲᠦ᠋ᠢᠵᠤ᠂ ᠬᠦᠨᠳᠦ | ᠨᠣᠴᠢᠲᠠᠢ ᠦᠶᠡ ᠳᠤ ᠡᠪᠡᠳᠴᠢᠨ ᠤ ᠲᠣᠯᠪᠤ ᠨᠢ ᠡᠰᠢᠨ ᠤ ᠤᠭ ᠪᠤᠶᠤ ᠦᠨᠳᠦᠰᠦ ᠶᠢᠨ ᠬᠡᠰᠡᠭ ᠤᠨ ᠲᠣᠭᠤᠷᠢᠨ ᠳᠤ | ᠡᠭᠦᠰᠴᠦ᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠬᠡᠰᠡᠭ ᠨᠢ ᠠᠭᠠᠵᠢᠮ ᠢᠶᠠᠷ ᠦᠬᠦᠰᠢᠷᠡᠨ ᠬᠠᠲᠠᠨᠠ᠃ ᠡᠰᠢ ᠪᠤᠶᠤ ᠦᠨᠳᠦᠰᠦ ᠶᠢᠨ | ᠬᠡᠰᠡᠭ ᠢ ᠭᠤᠯᠳᠤ ᠪᠠᠷ ᠲᠤᠶᠠᠴᠢᠵᠤ᠂ ᠳᠠᠮᠵᠢᠭᠤᠯᠬᠤ ᠴᠣᠷᠭᠤ ᠨᠢ ᠭᠦᠨ ᠬᠦᠷᠡᠩ ᠥᠩᠭᠡ ᠲᠠᠢ ᠪᠣᠯᠵᠤ᠂ ᠰᠡᠭᠦᠯ ᠤᠨ | ᠡᠰᠢ ᠨᠢ ᠢᠯᠵᠢᠷᠡᠨ᠂ ᠰᠢᠨᠡ ᠦᠨᠳᠦᠰᠦ ᠤᠷᠭᠤᠬᠤ ᠦᠭᠡᠢ᠂ ᠤᠷᠭᠤᠮᠠᠯ ᠨᠢ ᠬᠠᠲᠠᠵᠤ ᠦᠬᠦᠳᠡᠭ᠃ ᠡᠰᠢ ᠨᠢ | ᠪᠣᠭᠤᠮᠢᠯᠠᠨ ᠠᠪᠴᠢᠬᠤ ᠨᠢ ᠢᠯᠡᠷᠬᠡᠢ ᠪᠢᠰᠢ᠂ ᠡᠪᠡᠳᠴᠢᠨ ᠤ ᠬᠡᠰᠡᠭ ᠤᠨ ᠢᠯᠵᠢᠷᠡᠭᠰᠡᠨ ᠬᠡᠰᠡᠭ ᠤᠨ ᠴᠣᠷᠭᠤ | ᠰᠢᠷᠬᠡᠭᠲᠦ ᠪᠠᠭᠴᠠ ᠨᠢ ᠬᠦᠷᠡᠩ ᠪᠣᠯᠵᠤ᠂ ᠳᠡᠭᠡᠭᠰᠢ ᠬᠥᠭᠵᠢᠬᠦ ᠦᠭᠡᠢ᠂ ᠬᠠᠲᠠᠩᠬᠢᠷᠠᠬᠤ ᠡᠪᠡᠳᠴᠢᠨ ᠠᠴᠠ | ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠰᠡᠭᠦᠯᠴᠢ ᠶᠢᠨ ᠬᠤᠭᠤᠴᠠᠭᠠᠨ ᠤ ᠡᠪᠡᠳᠴᠢᠨ ᠤ ᠬᠡᠰᠡᠭ ᠨᠢ ᠣᠯᠠᠩᠬᠢ ᠳᠠᠭᠠᠨ | ᠮᠠᠭᠤᠳᠠᠵᠤ᠂ ᠰᠢᠷᠬᠡᠭᠯᠢᠭ ᠴᠣᠷᠭᠤ ᠶᠢᠨ ᠪᠠᠭᠴᠠ ᠦᠯᠡᠳᠡᠳᠡᠭ᠃ ᠬᠦᠨᠳᠦ ᠨᠣᠴᠢᠲᠠᠢ ᠨᠢ ᠣᠯᠠᠩᠬᠢ ᠶᠢ ᠨᠢ | ᠰᠡᠷᠭᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠣᠯᠵᠤ ᠬᠠᠳᠠᠵᠤ ᠦᠬᠦᠳᠡᠭ᠃ | 3. ᠰᠡᠷᠭᠡᠶᠢᠯᠡᠨ ᠵᠠᠰᠠᠬᠤ ᠠᠷᠭᠠ | ᠲᠣᠭᠤᠨᠣᠯᠵᠢᠨ ᠴᠡᠴᠡᠭ ᠤᠨ ᠢᠵᠠᠭᠤᠷ ᠤᠨ ᠲᠠᠷᠢᠮᠠᠯ ᠲᠠᠢ 3 ᠵᠢᠯ ᠠᠴᠠ ᠳᠡᠭᠡᠭᠰᠢ ᠡᠭᠡᠯᠵᠢᠯᠡᠨ ᠳᠠᠷᠢᠨᠠ᠃ | ᠥᠨᠳᠥᠷ ᠲᠠᠲᠠᠭᠠᠯ ᠢᠶᠠᠷ ᠳᠠᠷᠢᠵᠤ ᠪᠤᠶᠢᠵᠢᠭᠤᠯᠤᠨ᠂ ᠶᠡᠭᠡ ᠤᠰᠤ ᠪᠠᠷ ᠨᠡᠯᠦᠩᠬᠡᠢ ᠤᠰᠤᠯᠠᠬᠤ ᠶᠢ ᠰᠡᠷᠭᠡᠶᠢᠯᠡᠨ | ᠵᠠᠰᠠᠵᠤ᠂ ᠲᠣᠬᠢᠷᠠᠮᠵᠢᠲᠠᠢ ᠦᠶᠡ ᠳᠤ ᠬᠥᠷᠥᠰᠥ ᠶᠢ ᠰᠤᠯᠠᠷᠠᠭᠤᠯᠵᠤ ᠬᠥᠷᠥᠰᠥᠨ ᠤ ᠨᠡᠪᠲᠡᠷᠡᠬᠦ ᠴᠢᠨᠠᠷ ᠢ | ᠨᠡᠮᠡᠭᠳᠡᠭᠦᠯᠦᠨᠡ᠃ ᠡᠪᠡᠳᠴᠢᠨ ᠡᠭᠦᠰᠬᠦ ᠠᠴᠠ ᠡᠮᠦᠨᠡ ᠲᠠᠷᠢᠶᠠᠨ ᠡᠮ ᠢ ᠦᠨᠳᠦᠰᠦᠨ ᠳᠤ ᠨᠢ ᠣᠷᠣᠭᠤᠯᠤᠨ | ᠰᠡᠷᠭᠡᠶᠢᠯᠡᠨ ᠵᠠᠰᠠᠵᠤ᠂ ᠡᠪᠡᠳᠴᠢᠨ ᠤ ᠰᠠᠭᠤᠷᠢ ᠶᠢ ᠣᠯᠵᠤ ᠮᠡᠳᠡᠪᠡᠯ ᠴᠠᠭ ᠲᠤᠬᠠᠢ ᠳᠤᠨᠢ ᠦᠭᠲᠡᠭᠡᠵᠦ ᠬᠠᠶᠠᠬᠤ | ᠬᠡᠷᠡᠭᠲᠡᠢ᠃ ᠭᠤᠣᠯ ᠪᠣᠯᠬᠤ ᠡᠮ ᠤᠨ ᠨᠠᠶᠢᠷᠠᠯᠭᠠ ᠨᠢ 50% ᠶᠢᠨ ᠣᠯᠠᠨ ᠮᠦᠬᠦ ᠶᠢᠨ ᠶᠡᠷᠦᠨᠳᠡᠭ ᠤᠨ ᠴᠢᠬᠢᠭ ᠲᠠᠢ | ᠨᠤᠨᠳᠠᠭ ᠡᠮ 500 ᠳᠠᠬᠢᠨ ᠤ ᠰᠢᠩᠭᠡᠨ᠂ 50% ᠶᠢᠨ ᠮᠧᠲ᠋ᠢᠯᠲᠦ ᠬᠦᠬᠦᠷᠲᠦ ᠮᠦᠬᠦ ᠶᠢᠨ ᠶᠡᠷᠦᠨᠳᠡᠭ ᠤᠨ | ᠴᠢᠬᠢᠭ ᠲᠠᠢ ᠨᠤᠨᠳᠠᠭ ᠡᠮ 500 ᠳᠠᠬᠢᠨ ᠤ ᠰᠢᠩᠭᠡᠨ ᠪᠠᠶᠢᠵᠤ᠂ ᠲᠠᠷᠢᠶᠠᠨ ᠤ ᠴᠢᠭᠢᠭᠲᠦᠴᠡ ᠶᠡᠭᠡ ᠦᠶᠡ ᠳᠤ | ᠡᠮ ᠲᠠᠢ ᠬᠤᠯᠢᠵᠤ ᠡᠰᠢᠨ ᠤ ᠬᠡᠰᠡᠭ ᠲᠤ ᠰᠠᠴᠤᠵᠤ ᠪᠣᠯᠣᠨᠠ᠃ |