| ᠬᠠᠪᠤᠷ ᠤᠨ ᠤᠯᠠᠷᠢᠯ ᠤᠨ ᠠᠭᠠᠷ ᠤᠨ ᠳᠤᠯᠠᠭᠠᠨ ᠠᠭᠠᠵᠢᠮ ᠢᠶᠠᠷ ᠳᠡᠭᠡᠭᠰᠢᠯᠡᠵᠦ᠂ ᠴᠤᠷᠪᠠᠭᠠ ᠪᠤᠶᠢᠵᠢᠭᠤᠯᠬᠤ | ᠬᠥᠭᠵᠢᠯᠲᠡᠢ ᠤᠯᠠᠷᠢᠯ ᠪᠣᠯᠬᠤ ᠲᠤᠯᠠ ᠴᠤᠷᠪᠠᠭᠠ ᠶᠢᠨ ᠠᠮᠢᠳᠤᠷᠠᠬᠤ ᠨᠣᠷᠮᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠢᠨ ᠲᠥᠯᠥᠭᠡ᠂ | ᠴᠤᠷᠪᠠᠭᠠ ᠪᠤᠶᠢᠵᠢᠭᠤᠯᠬᠤ ᠵᠢᠷᠭᠤᠭᠠᠨ ᠵᠠᠩᠭᠢᠯᠠᠭᠠ ᠶᠢ ᠴᠢᠩᠭᠠ ᠠᠳᠬᠤᠬᠤ ᠬᠡᠷᠡᠭᠲᠡᠢ᠃ | ᠨᠢᠭᠡ᠂ ᠠᠷᠢᠭᠤᠳᠬᠠᠬᠤ᠃ ᠤᠷᠢᠳ ᠢᠶᠠᠷ ᠲᠠᠬᠢᠶᠠᠨ ᠤ ᠡᠭᠦᠷ ᠢ ᠲᠦᠢᠯᠪᠤᠷᠢᠲᠠᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠤ | ᠳᠠᠷᠠᠭᠠ ᠹᠤᠷᠮᠠᠯᠢᠨ ︵ᠮᠧᠲ᠋ᠢᠯ ᠠᠯᠳᠧᠭᠢᠳ᠋ ︶ ᠪᠣᠯᠣᠨ ᠳᠡᠭᠡᠳᠦ ᠮᠠᠩᠭᠠᠨ ᠬᠦᠴᠢᠯ ᠤᠨ ᠺᠠᠯᠢ ᠪᠠᠷ ᠰᠦᠷᠴᠢᠨ | ᠠᠷᠢᠭᠤᠳᠬᠠᠨ᠂ ᠡᠭᠦᠳᠡ ᠴᠣᠩᠬᠤ ᠶᠢ ᠨᠢ 12 ᠴᠠᠭ ᠠᠴᠠ 24 ᠴᠠᠭ ᠴᠢᠩᠭᠠ ᠬᠠᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠡᠭᠦᠳᠡ | ᠴᠣᠩᠬᠤ ᠪᠠᠨ ᠨᠡᠭᠡᠭᠡᠵᠦ ᠰᠠᠯᠬᠢ ᠠᠭᠠᠷ ᠨᠡᠪᠲᠡᠷᠡᠭᠦᠯᠦᠨᠡ᠃ ᠪᠤᠢ ᠪᠦᠬᠦᠢ ᠬᠡᠷᠡᠭᠰᠡᠯ ᠢ 2‰ ᠶᠢᠨ ᠳᠡᠭᠡᠳᠦ ᠮᠠᠩᠭᠠᠨ | ᠬᠦᠴᠢᠯ ᠤᠨ ᠺᠠᠯᠢ ᠶᠢᠨ ᠠᠭᠤᠰᠤᠮᠠᠯ ᠢᠶᠠᠷ ᠤᠬᠢᠶᠠᠨ ᠠᠷᠢᠭᠤᠳᠬᠠᠨᠠ᠃ | ᠡᠳᠡᠭᠡᠷ ᠠᠵᠢᠯ ᠢ ᠬᠢᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠨᠡᠪᠴᠢᠵᠦ ᠭᠠᠷᠤᠭᠰᠠᠨ ᠴᠤᠷᠪᠠᠭᠠ ᠶᠢ ᠡᠭᠦᠷ ᠲᠤ ᠨᠢ | ᠣᠷᠣᠭᠤᠯᠵᠤ ᠪᠣᠯᠣᠨᠠ᠃ | ᠬᠤᠶᠠᠷ᠂ ᠠᠩᠬᠠ ᠲᠡᠵᠢᠭᠡᠬᠦ᠃ ᠴᠤᠷᠪᠠᠭᠠ ᠨᠡᠪᠴᠢᠵᠦ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ 24 ᠴᠠᠭ ᠠᠴᠠ ᠪᠠᠨ 36 | ᠴᠠᠭ ᠤᠨ ᠳᠠᠷᠠᠭᠠ ᠰᠠᠶ᠋ᠢ ᠡᠬᠢᠯᠡᠵᠦ ᠢᠳᠡᠳᠡᠭ᠃ ᠡᠬᠢᠯᠡᠵᠦ ᠢᠳᠡᠬᠦ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠨᠢ ᠰᠢᠨᠡ ᠰᠣᠷᠭᠤᠭ | ᠪᠠᠶᠢᠬᠤ ᠶᠢ ᠱᠠᠭᠠᠷᠳᠠᠨᠠ᠂ ᠮᠥᠬᠦᠯᠢᠭ ᠤᠨ ᠶᠡᠭᠡ ᠪᠠᠭᠠ ᠨᠢ ᠲᠣᠬᠢᠷᠠᠮᠵᠢᠲᠠᠢ᠂ ᠴᠤᠷᠪᠠᠭᠠ ᠲᠣᠩᠰᠢᠬᠤ ᠳᠤ ᠠᠮᠠᠷᠬᠠᠨ᠂ | ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ᠂ ᠰᠢᠩᠭᠡᠭᠡᠬᠦ ᠳᠤ ᠠᠮᠠᠷᠬᠠᠨ᠂ ᠦᠷᠭᠦᠯᠵᠢ ᠬᠡᠷᠡᠭᠯᠡᠳᠡᠭ ᠡᠷᠳᠡᠨᠢ ᠰᠢᠰᠢ᠂ ᠨᠠᠷᠢᠮᠤ᠂ | ᠪᠤᠳᠠᠭᠠᠨ ᠤ ᠬᠡᠮᠬᠡᠳᠡᠭ᠂ ᠪᠤᠭᠤᠳᠠᠢ ᠶᠢᠨ ᠬᠡᠮᠬᠡᠳᠡᠭ ᠵᠡᠷᠭᠡ ᠪᠣᠢ᠃ ᠠᠩᠬᠠ ᠲᠡᠵᠢᠭᠡᠬᠦ ᠲᠡᠵᠢᠭᠡᠯ ᠢ ᠴᠢᠨᠠᠭᠠᠳ ᠨᠠᠢᠮᠠᠨ | ᠬᠤᠪᠢ ᠪᠣᠯᠣᠭᠰᠠᠨ ᠤ ᠬᠤᠶᠢᠨᠠ ᠲᠡᠵᠢᠭᠡᠨᠡ᠂ ᠡᠨᠡ ᠨᠢ ᠴᠤᠷᠪᠠᠭᠠ ᠶᠢᠨ ᠰᠢᠩᠭᠡᠭᠡᠯᠲᠡ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ | ᠡᠳᠦᠷ ᠲᠤ 5 ᠠᠴᠠ 7 ᠤᠳᠠᠭᠠ ᠲᠡᠵᠢᠭᠡᠵᠦ᠂ ᠠᠩᠬᠠ ᠲᠡᠵᠢᠭᠡᠬᠦ ᠲᠡᠵᠢᠭᠡᠯ ᠢ 2 ᠠᠴᠠ 3 ᠡᠳᠦᠷ ᠲᠡᠵᠢᠭᠡᠭᠰᠡᠨ ᠤ | ᠳᠠᠷᠠᠭᠠ ᠠᠭᠠᠵᠢᠮ ᠢᠶᠠᠷ ᠴᠤᠷᠪᠠᠭᠠ ᠶᠢᠨ ᠬᠤᠯᠢᠮᠠᠭ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠪᠠᠷ ᠬᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠷ ᠲᠡᠵᠢᠭᠡᠵᠦ᠂ | ᠡᠳᠦᠷ ᠲᠤ 4 ᠠᠴᠠ 5 ᠤᠳᠠᠭᠠ ᠲᠡᠵᠢᠭᠡᠨᠡ᠃ | ᠭᠤᠷᠪᠠ᠂ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ᠃ ᠴᠤᠷᠪᠠᠭᠠ ᠶᠢ ᠠᠩᠬᠠ ᠡᠭᠦᠷ ᠲᠤ ᠨᠢ ᠣᠷᠣᠭᠤᠯᠬᠤ ᠳᠤ ᠤᠷᠢᠳ ᠢᠶᠠᠷ | ᠡᠭᠦᠷ ᠢ ᠨᠢ ᠪᠦᠯᠢᠶᠡᠰᠬᠡᠵᠦ᠂ ᠴᠤᠷᠪᠠᠭᠠ ᠪᠤᠶᠢᠵᠢᠭᠤᠯᠬᠤ ᠳᠤᠯᠠᠭᠠᠨ ᠤ ᠱᠠᠭᠠᠷᠳᠠᠯᠭᠠ ᠳᠤ ᠬᠦᠷᠭᠡᠨᠡ᠃ ᠨᠢᠭᠡ | ᠭᠠᠷᠠᠭ ᠤᠨ ᠬᠤᠭᠤᠴᠠᠭᠠᠨ ᠳᠤ ᠴᠤᠷᠪᠠᠭᠠ ᠶᠢᠨ ᠡᠭᠦᠷ ᠤᠨ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ 30℃ — 32℃ | ᠪᠠᠶᠢᠯᠭᠠᠵᠤ᠂ ᠰᠡᠭᠦᠯᠡᠷ ᠨᠢ ᠭᠠᠷᠠᠭ ᠪᠦᠷᠢ 2℃ — 3℃ ᠪᠠᠭᠤᠷᠠᠭᠤᠯᠵᠤ᠂ ᠡᠭᠦᠷ ᠤᠨ ᠳᠤᠯᠠᠭᠠᠨ ᠤ | ᠬᠡᠮᠵᠢᠶᠡ ᠶᠢ 21℃ ᠪᠣᠯᠲᠠᠯᠠ ᠪᠠᠭᠤᠷᠠᠭᠤᠯᠵᠤ᠂ ᠡᠨᠡ ᠬᠦ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ ᠴᠤᠷᠪᠠᠭᠠ ᠪᠠᠨ ᠪᠤᠶᠢᠵᠢᠭᠤᠯᠵᠤ | ᠳᠠᠭᠤᠰᠲᠠᠯᠠ ᠪᠠᠷᠢᠮᠲᠠᠯᠠᠨᠠ᠃ ᠴᠤᠷᠪᠠᠭᠠ ᠪᠤᠶᠢᠵᠢᠭᠤᠯᠬᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠨᠢ ᠲᠣᠬᠢᠷᠠᠮᠵᠢᠲᠠᠢ ᠡᠰᠡᠬᠦ ᠶᠢ | ᠴᠤᠷᠪᠠᠭᠠ ᠶᠢᠨ ᠢᠯᠡᠷᠡᠯ ᠢ ᠠᠵᠢᠭᠯᠠᠬᠤ ᠪᠠᠷ ᠳᠡᠮᠵᠢᠨ ᠡᠵᠡᠮᠰᠢᠵᠦ ᠪᠣᠯᠣᠨᠠ᠃ | ᠳᠥᠷᠪᠡ᠂ ᠨᠢᠭᠲᠠᠴᠠ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠴᠤᠷᠪᠠᠭᠠ ᠲᠡᠵᠢᠭᠡᠬᠦ ᠵᠣᠬᠢᠰᠲᠠᠢ ᠨᠢᠭᠲᠠᠴᠠ ᠨᠢ᠄ 0 | ᠭᠠᠷᠠᠭ ᠠᠴᠠ 4 ᠭᠠᠷᠠᠭ᠂ 20 ᠠᠴᠠ 25 ᠴᠤᠷᠪᠠᠭᠠ \ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ︔ 5 ᠭᠠᠷᠠᠭ ᠠᠴᠠ 7 | ᠭᠠᠷᠠᠭ᠂ 10 ᠠᠴᠠ 20 ᠴᠤᠷᠪᠠᠭᠠ \ ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠮᠧᠲᠷ᠃ ᠲᠣᠣᠷ ᠳᠡᠭᠡᠷᠡ ᠴᠤᠷᠪᠠᠭᠠ | ᠪᠤᠶᠢᠵᠢᠭᠤᠯᠬᠤ ᠶᠢᠨ ᠵᠣᠬᠢᠰᠲᠠᠢ ᠨᠢᠭᠲᠠᠴᠠ ᠨᠢ᠄ 0 ᠭᠠᠷᠠᠭ ᠠᠴᠠ 4 ᠭᠠᠷᠠᠭ᠂ 24 ᠠᠴᠠ 28 ᠴᠤᠷᠪᠠᠭᠠ / | ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ︔ 5 ᠭᠠᠷᠠᠭ ᠠᠴᠠ 7 ᠭᠠᠷᠠᠭ᠂ 15 ᠠᠴᠠ 20 ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠮᠧᠲᠷ᠃ | | ᠲᠠᠪᠤ᠂ ᠭᠡᠷᠡᠯ ᠤᠨ ᠳᠤᠰᠤᠯᠳᠠ᠃ ᠵᠦᠢ ᠵᠣᠬᠢᠰᠲᠠᠢ ᠭᠡᠷᠡᠯ ᠤᠨ ᠲᠤᠰᠤᠯᠲᠠ ᠶᠢᠨ ᠴᠠᠭ ᠨᠢ᠄ 0 ᠭᠠᠷᠠᠭ ᠠᠴᠠ | 3 ᠭᠠᠷᠠᠭ 24 ᠴᠠᠭ ᠤᠨ ᠭᠡᠷᠡᠯ ᠤᠨ ᠲᠤᠰᠤᠯᠲᠠ ᠶᠢ ᠬᠡᠷᠡᠭᠯᠡᠨᠡ᠂ 4 ᠠᠴᠠ 14 ᠡᠳᠦᠷ ᠭᠡᠷᠡᠯ ᠤᠨ | ᠲᠤᠰᠤᠯᠲᠠ ᠶᠢᠨ ᠴᠠᠭ ᠨᠢ 16 ᠠᠴᠠ 19 ᠴᠠᠭ᠂ 15 ᠡᠳᠦᠷ ᠠᠴᠠ ᠰᠡᠭᠦᠯᠡᠷ ᠪᠠᠶᠢᠭᠠᠯᠢ ᠶᠢᠨ ᠭᠡᠷᠡᠯ ᠤᠨ | ᠲᠤᠰᠤᠯᠲᠠ ᠶᠢ ᠬᠡᠷᠡᠭᠯᠡᠨᠡ᠃ ᠭᠡᠷᠡᠯ ᠤᠨ ᠲᠤᠰᠤᠯᠲᠠ ᠶᠢᠨ ᠬᠦᠴᠦᠯᠡᠴᠡ ᠶᠢ 15 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ | ᠪᠦᠷᠢ ᠶᠢᠨ ᠲᠠᠬᠢᠶᠠᠨ ᠤ ᠡᠭᠦᠷ ᠲᠤ ᠨᠢᠭᠡᠳᠦᠭᠡᠷ ᠭᠠᠷᠠᠭ ᠲᠤ 40 ᠸᠠᠲ ᠤᠨ ᠳ᠋ᠧᠩ ᠢ ᠬᠤᠶᠠᠷ ᠮᠧᠲᠷ ᠥᠨᠳᠥᠷ | ᠪᠠᠶᠢᠷᠢᠨ ᠳᠤ ᠡᠯᠭᠦᠵᠦ᠂ ᠬᠤᠶᠠᠳᠤᠭᠠᠷ ᠭᠠᠷᠠᠭ ᠠᠴᠠ ᠡᠬᠢᠯᠡᠨ 25 ᠸᠠᠲ ᠤᠨ ᠳ᠋ᠧᠩ ᠢ ᠰᠣᠯᠢᠵᠤ ᠬᠡᠷᠡᠭᠯᠡᠪᠡᠯ | ᠪᠣᠯᠴᠢᠬᠠᠨᠠ᠃ | ᠵᠢᠷᠭᠤᠭᠠ᠂ ᠬᠢᠵᠢᠭ ᠰᠡᠷᠭᠡᠶᠢᠯᠡᠯᠳᠡ᠃ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠪᠣᠳᠠᠲᠠᠢ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ᠂ ᠵᠦᠢ | ᠵᠣᠬᠢᠰᠲᠠᠢ ᠡᠭᠡᠯᠢᠯᠡᠭᠡ ᠶᠢᠨ ᠵᠢᠷᠤᠮ ᠢ ᠰᠣᠩᠭᠤᠵᠤ ᠸᠠᠺᠼᠢᠨ ᠤ ᠲᠠᠷᠢᠯᠭᠠ ᠬᠢᠬᠦ ᠳᠡᠭᠡᠨ ᠲᠣᠭᠲᠠᠭᠰᠠᠨ | ᠬᠤᠭᠤᠴᠠᠭᠠ ᠲᠠᠢ ᠪᠠᠷ ᠲᠠᠬᠢᠶᠠᠨ ᠤ ᠡᠭᠦᠷ ᠢ ᠲᠦᠢᠯᠪᠤᠷᠢᠲᠠᠢ ᠠᠷᠢᠭᠤᠳᠬᠠᠵᠤ᠂ ᠲᠠᠬᠢᠶᠠᠨ ᠤ ᠡᠭᠦᠷ ᠢ ᠬᠠᠭᠤᠷᠠᠢ᠂ | ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠯᠭᠠᠬᠤ ᠶᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ ︔ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠪᠠ ᠤᠤᠭᠤᠬᠤ ᠤᠰᠤᠨ ᠳᠤ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠡᠮ ᠨᠡᠮᠡᠬᠦ ᠶᠢ ᠪᠠᠷᠢᠮᠲᠠᠯᠠᠨᠠ ︔ ᠡᠪᠡᠳᠴᠢᠨ ᠲᠠᠢ ᠲᠠᠬᠢᠶᠠ ᠶᠢ ᠴᠠᠭ ᠲᠤᠬᠠᠢ ᠳᠤᠨᠢ | ᠲᠤᠰᠠᠭᠠᠷᠯᠠᠨ ᠡᠮᠨᠡᠵᠦ᠂ ᠦᠬᠦᠭᠰᠡᠨ ᠲᠠᠬᠢᠶᠠ ᠶᠢ ᠡᠭᠦᠷ ᠠᠴᠠ ᠪᠠᠨ ᠬᠤᠯᠠ ᠰᠢᠲᠠᠭᠠᠬᠤ ᠪᠤᠶᠤ ᠭᠦᠨ ᠪᠤᠯᠠᠬᠤ | ᠬᠡᠷᠡᠭᠲᠡᠢ᠃ |