| ᠬᠤᠨᠢᠨ ᠤ ᠡᠪᠡᠳᠴᠢᠨ ᠡᠮᠭᠡᠭ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠨᠢ ᠨᠡᠯᠢᠶᠡᠳ ᠰᠠᠶᠢᠨ᠂ ᠡᠪᠡᠳᠴᠢᠨ ᠤ ᠡᠬᠢᠨ ᠤ | ᠢᠯᠡᠷᠡᠯ ᠨᠢ ᠲᠡᠶᠢᠮᠦ ᠢᠯᠡᠷᠬᠡᠢ ᠪᠢᠰᠢ ᠪᠠᠶᠢᠵᠤ᠂ ᠴᠠᠭ ᠲᠤᠬᠠᠢ ᠳᠤᠨᠢ ᠣᠯᠵᠤ ᠮᠡᠳᠡᠬᠦ ᠳᠤ ᠬᠦᠴᠢᠷ᠂ ᠭᠡᠪᠡᠴᠦ | ᠡᠪᠡᠳᠴᠢᠯᠡᠪᠡᠯ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠨᠢ ᠨᠡᠯᠢᠶᠡᠳ ᠬᠦᠨᠳᠦ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠬᠤᠨᠢᠨ ᠤ ᠡᠪᠡᠳᠴᠢᠨ ᠢ | ᠴᠠᠭ ᠲᠤᠬᠠᠢ ᠳᠤᠨᠢ ᠣᠯᠵᠤ ᠮᠡᠳᠡᠨ᠂ ᠴᠠᠭ ᠲᠤᠬᠠᠢ ᠳᠤᠨᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠪᠠ ᠡᠮᠨᠡᠨ ᠵᠠᠰᠠᠬᠤ ᠨᠢ ᠮᠠᠰᠢ | ᠴᠢᠬᠤᠯᠠ ᠶᠤᠮ᠃ ᠳᠣᠣᠷᠠ ᠣᠯᠠᠨ ᠳᠤ ᠬᠤᠨᠢᠨ ᠤ ᠡᠪᠡᠳᠴᠢᠨ ᠢ ᠠᠵᠢᠭᠯᠠᠬᠤ ᠠᠷᠭᠠ ᠶᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | 1. ᠤᠩᠭᠠᠰᠤ ᠪᠠ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠢᠯᠭᠠᠨᠠ | ᠡᠷᠡᠭᠦᠯ ᠴᠢᠭᠢᠷᠠᠭ ᠬᠤᠨᠢ ᠲᠠᠷᠭᠤ ᠰᠠᠶᠢᠲᠠᠢ᠂ ᠬᠦᠳᠡᠷ ᠴᠢᠭᠢᠷᠠᠭ ᠪᠡᠶᠡ ᠲᠠᠢ ᠪᠥᠭᠡᠳ ᠤᠩᠭᠠᠰᠤ ᠨᠢ | ᠥᠩᠭᠡ ᠲᠠᠢ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠡᠪᠡᠳᠴᠢᠨ ᠲᠠᠢ ᠬᠤᠨᠢᠨ ᠤ ᠪᠡᠶᠡ ᠨᠢ ᠳᠣᠷᠣᠢ᠂ ᠤᠩᠭᠠᠰᠤ ᠨᠢ ᠪᠦᠳᠦᠭᠦᠨ᠂ | ᠰᠡᠭᠰᠡᠭᠡᠷ᠂ ᠲᠠᠰᠤᠷᠠᠮᠠᠳᠠᠭᠠᠢ᠂ ᠥᠩᠭᠡ ᠦᠭᠡᠢ ᠪᠠᠶᠢᠳᠠᠭ᠃ | 2. ᠴᠤᠭ ᠰᠦᠯᠳᠡ ᠪᠠᠶᠢᠬᠤ ᠡᠰᠡᠬᠦ ᠪᠠᠷ ᠢᠯᠭᠠᠨᠠ | ᠡᠷᠡᠭᠦᠯ ᠴᠢᠭᠢᠷᠠᠭ ᠬᠤᠨᠢᠨ ᠤ ᠨᠢᠳᠦ ᠨᠢ ᠬᠤᠷᠴᠠ ᠰᠠᠷᠠᠭᠤᠯ᠂ ᠠᠯᠤᠰ ᠢ ᠲᠣᠳᠣ ᠬᠠᠷᠠᠵᠤ᠂ ᠰᠣᠨᠣᠷ ᠬᠤᠷᠴᠠ | ᠪᠠᠶᠢᠵᠤ᠂ ᠮᠠᠯ ᠬᠠᠷᠢᠭᠤᠯᠬᠤ ᠳᠠᠭᠤᠳᠠᠯᠭᠠ ᠶᠢ ᠰᠠᠶᠢᠨ ᠰᠣᠨᠣᠰᠴᠤ ᠳᠡᠶᠢᠯᠳᠡᠭ᠃ ᠡᠪᠡᠰᠦ ᠢᠳᠡᠬᠦ ᠳᠡᠭᠡᠨ | ᠲᠦᠷᠦᠭᠦᠯᠡᠨ ᠪᠤᠯᠢᠶᠠᠯᠳᠤᠨ ᠢᠳᠡᠨᠡ᠃ ᠡᠪᠡᠳᠴᠢᠨ ᠲᠠᠢ ᠬᠤᠨᠢ ᠪᠣᠯ ᠴᠤᠭ ᠰᠦᠯᠳᠡ ᠦᠭᠡᠢ ᠪᠣᠯᠵᠤ᠂ ᠲᠣᠯᠣᠭᠠᠢ | ᠥᠨᠳᠡᠶᠢᠬᠦ ᠳᠤᠷᠠ ᠦᠭᠡᠢ᠂ ᠰᠣᠨᠣᠷ ᠮᠠᠭᠤᠳᠠᠨ᠂ ᠬᠠᠷᠠᠭᠠ ᠮᠠᠭᠤᠳᠠᠬᠤ ᠪᠤᠶᠤ ᠨᠢᠰᠤ ᠨᠢᠯᠪᠤᠰᠤ ᠪᠠᠨ | ᠭᠤᠭᠤᠵᠢᠭᠤᠯᠤᠨ᠂ ᠠᠯᠬᠤᠬᠤ ᠳᠠᠭᠠᠨ ᠤᠳᠠᠭᠠᠨ ᠪᠠᠶᠢᠵᠤ᠂ ᠬᠦᠨᠳᠦ ᠨᠢ ᠰᠦᠷᠦᠭ ᠠᠴᠠ ᠪᠠᠨ ᠰᠠᠯᠵᠤ ᠬᠤᠴᠣᠷᠳᠠᠭ᠃ | | 3. ᠬᠠᠮᠠᠷ ᠢᠶᠠᠷ ᠨᠢ ᠢᠯᠭᠠᠨᠠ | ᠡᠷᠡᠭᠦᠯ ᠴᠢᠭᠢᠷᠠᠭ ᠬᠤᠨᠢᠨ ᠤ ᠬᠠᠮᠠᠷ ᠨᠢ ᠨᠦᠢᠲᠠᠨ᠂ ᠭᠥᠯᠢᠭᠡᠷ᠂ ᠦᠷᠭᠦᠯᠵᠢ ᠨᠠᠷᠢᠬᠠᠨ ᠤᠰᠤᠨ ᠲᠣᠰᠣᠯ | ᠪᠠᠶᠢᠳᠠᠭ᠃ ᠬᠡᠷᠪᠡ ᠬᠠᠮᠠᠷ ᠨᠢ ᠬᠠᠭᠤᠷᠠᠢ᠂ ᠭᠥᠯᠢᠭᠡᠷ ᠪᠢᠰᠢ᠂ ᠥᠩᠭᠡᠨ ᠲᠠᠯᠠ ᠨᠢ ᠠᠷᠵᠠᠭᠠᠷ ᠪᠣᠯ ᠡᠪᠡᠳᠴᠢᠨ | ᠣᠯᠣᠭᠰᠠᠨ ᠤ ᠰᠢᠨᠵᠢ ᠲᠡᠮᠳᠡᠭ ᠮᠥᠨ᠃ | 4. ᠬᠡᠪᠢᠬᠦ ᠪᠠᠷ ᠢᠯᠭᠠᠨᠠ | ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠬᠤᠨᠢ ᠢᠳᠡᠰᠢᠯᠡᠭᠡᠳ 30 ~ 50 ᠮᠢᠨᠦ᠋ᠲ ᠤᠨ ᠳᠠᠷᠠᠭᠠ ᠠᠮᠠᠷᠠᠭᠠᠳ ᠠᠩᠬᠠ | ᠤᠳᠠᠭᠠ ᠬᠡᠪᠢᠳᠡᠭ᠃ ᠬᠡᠪᠢᠬᠦ ᠪᠣᠯ ᠡᠷᠡᠭᠦᠯ ᠴᠢᠭᠢᠷᠠᠭ ᠬᠤᠨᠢᠨ ᠤ ᠴᠢᠬᠤᠯᠠ ᠰᠢᠨᠵᠢ ᠲᠡᠮᠳᠡᠭ ᠮᠥᠨ᠃ ᠬᠡᠪᠢᠬᠦ | ᠢᠳᠡᠭᠡᠨ ᠤ ᠪᠥᠭᠡᠮ ᠪᠦᠷᠢ ᠶᠢ 50 — 60 ᠤᠳᠠᠭᠠ ᠵᠠᠵᠢᠯᠵᠤ᠂ ᠤᠳᠠᠭᠠ ᠪᠦᠷᠢ 30 — 60 ᠮᠢᠨᠦ᠋ᠲ | ᠦᠷᠭᠦᠯᠵᠢᠯᠡᠵᠦ᠂ 24 ᠴᠠᠭ ᠤᠨ ᠳᠣᠲᠣᠷᠠ 4 — 8 ᠤᠳᠠᠭᠠ ᠬᠡᠪᠢᠳᠡᠭ᠃ | ᠬᠡᠪᠢᠭᠰᠡᠨ ᠤ ᠳᠠᠷᠠᠭᠠ ᠬᠤᠳᠣᠭᠤᠳᠤᠨ ᠳᠣᠲᠣᠷᠠᠬᠢ ᠬᠡᠢ ᠪᠡᠶᠡᠲᠦ ᠶᠢ ᠠᠮᠠᠨ ᠬᠥᠨᠳᠡᠢ ᠪᠠᠷ ᠪᠡᠶᠡ ᠶᠢᠨ | ᠭᠠᠳᠠᠨᠠ ᠠᠴᠠ ᠭᠠᠳᠠᠭᠰᠢᠯᠠᠭᠤᠯᠤᠨᠠ᠂ ᠳᠠᠷᠤᠢ ᠬᠡᠬᠡᠷᠡᠨᠡ᠃ ᠡᠷᠡᠭᠦᠯ ᠬᠤᠨᠢᠨ ᠤ ᠬᠡᠬᠡᠷᠡᠬᠦ ᠨᠢ ᠴᠠᠭ ᠪᠦᠷᠢ 10 ~ | 12 ᠤᠳᠠᠭᠠ ᠪᠠᠶᠢᠵᠤ᠂ ᠡᠪᠡᠳᠴᠢᠨ ᠲᠠᠢ ᠬᠤᠨᠢᠨ ᠤ ᠬᠡᠪᠢᠬᠦ ᠪᠠ ᠬᠡᠬᠡᠷᠡᠬᠦ ᠶᠢᠨ ᠤᠳᠠᠭᠠ ᠲᠤᠭᠠ ᠨᠢ ᠴᠥᠭᠡᠷᠡᠵᠦ᠂ | ᠬᠦᠴᠦ ᠲᠠᠮᠢᠷ ᠦᠭᠡᠢ ᠪᠣᠯᠬᠤ ᠪᠤᠶᠤ ᠴᠢᠨᠠᠭᠰᠢᠯᠠᠪᠠᠯ ᠵᠣᠭᠰᠣᠳᠠᠭ᠃ ᠡᠪᠡᠳᠴᠢᠨ ᠲᠠᠢ ᠬᠤᠨᠢ ᠶᠢ ᠡᠮᠨᠡᠨ ᠵᠠᠰᠠᠬᠤ ᠪᠠᠷ | ᠳᠠᠮᠵᠢᠨ ᠬᠡᠪᠢᠬᠦ ᠪᠠ ᠭᠡᠭᠡᠷᠡᠬᠦ ᠨᠢ ᠡᠷᠡᠭᠦᠯᠵᠢᠬᠦ ᠶᠢᠨ ᠴᠢᠬᠤᠯᠠ ᠰᠢᠨᠵᠢ ᠲᠡᠮᠳᠡᠭ ᠪᠣᠯᠣᠨᠠ᠃ | 5. ᠠᠷᠠᠰᠤᠨ ᠤ ᠥᠩᠭᠡ ᠪᠠᠷ ᠢᠯᠭᠠᠨᠠ | ᠬᠤᠨᠢᠨ ᠤ ᠠᠷᠠᠰᠤ ᠨᠢ ᠦᠰᠦᠨ ᠤ ᠤᠭ ᠤᠨ ᠪᠤᠶᠤ ᠰᠤᠭᠤᠨ ᠤ ᠳᠣᠣᠷᠠ ᠬᠡᠰᠡᠭ ᠲᠤ ᠶᠡᠷᠦ ᠳᠡᠭᠡᠨ ᠶᠠᠭᠠᠨ | ᠤᠯᠠᠭᠠᠨ ᠥᠩᠭᠡ ᠲᠠᠢ ᠪᠠᠶᠢᠳᠠᠭ᠂ ᠬᠡᠷᠪᠡ ᠥᠩᠭᠡ ᠨᠢ ᠴᠠᠶᠢᠪᠤᠷ ᠪᠤᠶᠤ ᠴᠢᠰ ᠤᠯᠠᠭᠠᠨ ᠪᠣᠯ ᠴᠥᠮ ᠡᠪᠡᠳᠴᠢᠨ ᠤ | ᠰᠢᠨᠵᠢ ᠲᠡᠮᠳᠡᠭ ᠮᠥᠨ᠃ |